عن جد حاسة بإرهاق.. بس إرهاق ممزوج بالسعادة :D

-> نوع جديد لوول

 

فكرة فتح مدونة كانت تشغل تفكيري من فترة

من يوم ماصرت أداوم على زيارات مدونات الآخرين

و بجد يعني أعجبت كثير ببعضها..

حاسة إنو في حاجات حلوة نفسي أسجلها و أشاركها مع الآخرين

 و هذا سبب فتحي للمدونة

و في حاجات ثانية كمان شجعتني بقوووووة إني أسوي كذا..

و قلت أوكي ياهدى نشوف آخرتها معاكي لوول

 

و فتحنا المدونة اللي بجد بجد بالمره مبسوطة فيها..

حاسه كأنها غرفتي الثانية :)

 

و من كم يوم و أنا هاتك تحميل التصاميم حقتي و تعديل بالتصميم

اللي فوق و لخبطة مافي زيها..

 

تعرفون يعني المبتدئين لمن يتعلمو حاجة جديدة يعملوا عجائب

زي على قولة جدتي

” بدوي طاح له فتمرة “

إيوه هذه بالمره تنطبق عليه هذي اليومين هههههههه..

 

فاليوم الوضع صار لا يطاق بجد إرهاق

و اللي يسمعني دحين يقووول يووووه مواضيعها تارسه المدونة ترس ههههه  :)

 

بس خلاص دحين تعلمت على كل الأشياء اللي أحتاجها تقريبا عشان تكون المدونة

 زي ما أبغى و بالشكل المطلوووب..

و معد صرت أحوس عشان أزبط التدوينة قبل ماتنزل :)

 

يااااه … بالمرة متحمسه أخلص من تنزيل الأشياء اللي أبغاها بسرعة

 عشان أدي الرابط لصحباتي..

 

:)